لطائف

ایک خاتون نے دوسری خاتون سے پوچھا ، جنت میں مردوں کو تو حوریں ملیں گی مگر عورتوں کو کیا ملےگا؟

یہی اپنے اپنے خاوند، دوسری عورت نے جواب میں بتایا۔

پہلی عورت نے یہ سنا تو تلخی سے بولی۔ دفع کرو پھر مرنے کا کیا فائدہ۔

٭٭٭

ایک شخص اپنا رنگین ٹی وی اور وی سی آر اٹھائے سمندر کی طرف بھاگے جا رہا تھا۔ 

راستے میں اس کا دوست ملا اور اس نے حیرانی سے پوچھا۔

 یہ کیا ماجرا ہے، کہاں جا  رہے  ہو؟

وہ بولا، خودکشی کرنے جا رہا ہوں اور ٹی وی، وی سی آر ساتھ لے کر ڈوبوں گا، میری بیوی مجھ پر نہ سہی ان چیزوں کی محرومی کا تو ماتم کرے گی۔

٭٭٭

ایک آدمی نے ریسکیو 1122 کے دفتر میں فون کرتے ہوئے کہا: “دیکھئے میں نے حال ہی میں اپنا باغ سنوارا ہے میں نے اس میں بیش قیمتی پودے لگائے ہیں۔

کیا اس میں آگ لگ گئی ہے؟ دوسری طرف سے پو چھا گیا۔ 

کچھ پودے تو بالکل ہی نایاب ہیں۔ میں نے انہیں بڑی مشکل سے حاصل کیا ہے 

“دوسری طرف سے غصے بھری آواز آئی۔  “دیکھئے جناب! یہ ریسکیو 1122 کا دفتر ہے، کوئی نرسری یا گل فروشی کی دکان نہیں۔ 

معلوم ہے مجھے! ذرا غور سے میری بات سنئیے، میرے پڑوس میں آگ لگ گئی ہے اور میں نہیں چاہتاکہ جب آپ لوگ آگ بجھانے آئیں تو میرے باغ اور پودوں کو نقصان پہنچائیں۔

٭٭٭

ایک ملازم کو تنخواہ ملی تو اس نے سوچا بیوی کے حوالے کرنے سے پہلے کم ازکم رقم تو گن لے۔

 جب ا س نے رقم گنی تو اس میں سو روپے زیادہ تھے۔ 

وہ فوراً کیشئر کے پاس پہنچا اور بولا آپ نے غلطی سے سو روپے زیادہ دے دئیے ہیں۔

 کیشئر نے رقم گنی اور کہا رقم تو بالکل ٹھیک ہے۔

 بات دراصل یہ ہے کہ آپ کی تنخواہ میں گزشتہ تین مہینوں سے سو روپے کا اضافہ ہو چکا ہے۔

 وہ شخص حیرانی سے بولا: کمال ہے یار! میری بیوی نے تو مجھے بالکل بتایا ہی نہیں۔