علم سے زندگی اپنی سنوارو                   یہ  لمحے قیمتی نہ یوں گزارو

علم حاصل کرو اے پیارے بچو              عمل اس پر کرو تم سارے بچو

پڑھو گے تو تمہارا نام ہوگا                     تو سب پورا ادھورا کام ہوگا

ہے فرمانِ نبوی اور فرض بھی                تمہارے سر پر گویا قرض بھی

جہاں جانا پڑے جاکر پڑھو تم                 تم آگے اور بھی آگے بڑھو تم

علم بخشے گا اونچی شان تم کو                    بنائے گا علم انسان تم کو

پڑھو گے تو تمہاری شان ہوگی                اللہ کی تمہیں پہچان ہوگی

تمہی سے ملک و ملت ہے سلامت            سنبھالو گے تمہی اک دن امانت

رہو قائم یہ حفیظ کی دعا ہے                    علم حاصل کرو یہ التجا ہے

شیئر کریں
  •  
  •  
  •  
  •  
  •