میری چڑیاں

میرے پاس اب رہتی ہیں ،مجھ سے خوش سب رہتی ہیں

کھچڑی ان کو کھلاتا ہوں، پانی ان کو پلاتا ہوں

کتنی اچھی ہیں چڑیاں، مجھ کو پیاری ہیں چڑیاں

اک اک کر کے آتی ہیں، پھر کرکے اڑ جاتی ہیں

خود ہی پھر آ جاتی ہیں، یوں ہی جاتی آتی ہیں

کتنی اچھی ہیں چڑیاں، مجھ کو پیاری ہیں چڑیاں

آپس میں جب لڑتی ہیں، چونچ سے  دم کو پکڑتی ہیں

کتنا شور مچاتی ہیں، پل میں چپ ہو جاتی ہیں

کتنی اچھی ہیں چڑیاں، مجھ کو پیاری ہیں چڑیاں